د کابل سیند دپاسه د پنځمې او دیارلسمې ناحیې ترمنځ د کمپنۍ- برچي نوي نښلوونکي سړک په اوږدو کې د موټرو د تګ لپاره د یوه پله د جوړولو چارې روانې دي. د کار، ساتنې او مراقبت ریاست د پلونو او سړکونو آمر انجنیر محمد داود ځواب په دې اړه وویل: دغه پل چې، (۲۰) متره اوږدوالی او (۲۰) متره سور لري د ښاري زیربناوو ریاست له لوري د سړک د ډیزاین له مخې په نظر کې نیول شوی چې، په بنسټیزه توګه به جوړ شي. نوموړي زیاته کړه چې، د پنځمې او دیارلسمې ناحیې ترمنځ د کمپنۍ- برچي نوی نښلوونکی سړک له قلعه ناظر څخه د نخاس تر حمام پورې (۲۲۷۴) متره اوږدوالی او (۳۰) متره سور لري چې، چارې یې د روان کال د غبرګولي په میاشت کې پیل شوې وې. د نوموړي په وینا د یاد سړک قیر چارې څه موده وړاندې ترسره شوې دي چې د پله له جوړېدو وروسته به د ترافیکو پر مخ پرانیستل شي. دغه سړک یو مهم نښلوونکی سړک دی چې، د جوړېدو په پروژه کې یې د یوه معیاري سړک ټول جزئیات په پام کې نیول شوې دي