د کابل ښاروالۍ د اوولسمې ناحیې د مسئولینو له لوري په طلايي ښارګوټي، بوستان سړک او نورو سیمو کې د ښاري نظم عملیاتي پلان پلی شو او یادې سیمې له ښاري بې نظمیو پاکې شوې. د اوولسمې ناحیې مرستیال مولوي ذبیح الله نبي خیل په دې اړه وویل: په دغو عملیاتو کې غصب شوې زرغونې سیمې، پلې لارې او بند سړکونه له خنډونو او ناقانونه تاسیسات پاک شول او اوس مهال د ښاریانو د تګ راتګ په برخه کې آسانتیاوې رامنځته شوې دي. په همدې توګه د هټیو او مارکیټونو مخې ته ناقانونه رغونو، د ګرځنده پلورونکو چې، عامه لارې یې بندې کړې وې، فعالیتونو ته رسېدنه وشوه او ټاکل شویو ځایونو ته ولیږدول شول. د قانون د تينګښت او د ښاري وضعیت د ښه کېدو په موخه، په بېلابېلو ناحیو کې د ښاري نظم عملیاتي پلان پلی کېږي