د لسمې ناحیې په ۱۴م ګذر کې د هوايي بلاکونو د سړک جوړولو چارې چې، څه موده وړاندې د کابل ښاروالۍ له لوري پیل شوې وې، روانې دي. د کابل ښاروالۍ د برنامو او پروژو د تنظیم رياست د معلوماتو له مخې، دغه سړک (٩٠١) متره اوږدوالى او (١٩.٣) متره سور لري، چې د لښتیو، پلولارو، ګلدانونو او د سیمې د زرغونتیا په موخه د اوبو د یوې زیرمې په ګډون یې د جوړولو چارې (۵۰) سلنه مخته تللې او د هوا د ښه والي په صورت کې به ډیر ژر بشپړې او ګټې اخیستنې ته وسپارل شي. د یادونې وړ ده چې، دیاد سړک د لښتیو چارې بشپړې شوې او اوس یې په بنسټيزې برخې کار روان دی څو قیر کولو ته چمتو شي