د کابل ښاروالۍ د چاپېریالي روغتیا او چاپېریال ساتنې ریاست له لوري د یوولسمې ناحیې اړوند سیمو کې د شپې پر مهال په لوړ پوړیزو ودانیو او یو شمېر روغتونونو کې د مرکز ګرمۍ سیسټم لپاره د لوګي د تصفیې فلټر او په حمامونو کې د غیر معیاري سون توکو له څرنګوالي څارنه وشوه. د کابل ښاروالۍ د چاپېریالي روغتیا او چاپېریال ساتنې ریاست مرستیال ډاکتر مسعود فقیر په دې اړه وویل: د کابل ښاروالۍ له لوري د ښار په بېلابېلو برخو کې د شپې او ورځې پر مهال چاپېریالي څارنې روانې دي چې، په پایله کې یې د هوا ککړونکې سلګونه سر چينې اصلاح او په معیاري فلټرونو سمبال شوې دي. نوموړي زیاته کړه: سرغړونکو ته د سپارښتنو سربېره، له هغوی ژمنه اخیستل شوې ده څو، هرڅه ژر د خپلې مرکز ګرمۍ سیسټم لپاره د لوګي د تصفیې فلټر نصب کړي؛ له دې پرته به له قانوني چلند سره مخ شي چې بیا به د شکایت حق و نه لري