د اتمې ناحيې مسؤلينو د کول حشمت خان په سيمه کې تر څلور جريبه زياته ځمکه د غاصبينو له منګولو بېرته را وګرځوله. د اتمې ناحيې رئیس مفتي روح الله عثماني په دې اړه وويل: يو شمېر غاصبينو او فرصت غوښتونکو په تېرو کلونو کې په بېلابېلو پلمو د دغې ځمکې په ځينو برخو کې د ناقانونه تاسيساتو په جوړولو لاس پورې کړی وو چې، ډیر ژر به یې د ویجاړولو او پاکولو په اړه اقدام وشي. دا ځمکه چې په غیر پلاني برخه کې پرته ده په زرغونې سیمې پورې اړه لري او په راتلونکي کې به د پراختیایي پلان د پلي کولو لپاره چمتو شي. کابل ښاروالۍ ژمنه ده، چې غصب شوې ځمکې به بېرته راګرځوي او فرصت غوښتونکو او قانون ماتوونکو ته وخت نه ورکول کېږي، چې له دولتي ځمکو او عامه ملکیتونو ناوړه ګټه پورته کړي