د کابل ښاروالۍ د زرغونتیا رياست له لوري د څلورمې ناحيې اړوند د بره کي او تهیه مسکن تر منځ د غځیدلي سړک په ګلدان کې د (۲۰۰) مورپان نيالګيو د کېنولو چارې پیل شوې. د کابل ښاروالۍ زرغونتیا رئیس مولوي عبدالوکيل متوکل په دې اړه وويل: دا کار د مناسبې هوا او په ياد ګلدان کې د ونو د کمښت له امله تر سره کېږي، هغه ونې چې پخوا د ترافيکي پيښو او يا د نباتي ناروغيو له امله له منځه تللې وې، د هغو پر ځاى دغه نيالګي چې په معياري بڼه د دې رياست په قوریو کې روزل شوي کېنول کېږي. دغه نيالګي د ياد ګلدان دزرغونتیا او دسیمې د ښايست لپاره مناسب دي او د زرغونتیا رياست له خوا به په دوامداره توګه خړوب او پالنه به يې وشي. نوموړي هیله څرګنده کړه چې، د سیمې اوسېدونکي باید د دغو او د ښار په کچه د نورو نیالګیو په ساتنه او پالنه کې د کابل ښاروالۍ له زرغونتیا ریاست سره مرسته وکړي. ښاغلي متوکل زیاته کړه: د هوا د ښه والي په صورت کې به د ښار د بېلابېلو سيمو په ګلدانونو کې د ونو او نورو بوټو د کمښت په موخه دغه کار ته دوام ورکړي