د اتمې ناحیې په ګڼه ګوڼه لرونکو سیمو کې ښاري نظم څارل شوی دی او د غصب شویو زرغونو سیمو، پلو لارو او سړکونو د بېرته راګرځولو او پاکولو په اړه اقدام شوی دی. د اتمې ناحیې د رئیس مفتي روح الله عثماني په وینا؛ ښاریانو ته د آسانتیاوو رامنځته کولو او د ښاري نظم د ټینګښت په موخه حمایوي او تقویتي پلانونه پلي کیږي. په وروستیو کې د کارته نو بازار بېلابېلې سیمې د عامه ښاري سیمو له غصب آزادې شوې دي او اوس مهال د دې سیمې بڼې بدلون موندلی دی او ښاریانو ته د تګ راتګ په برخو کې آسانتیاوې رامنځته شوې دي. په همدې توګه د هټیو مخې ته ناقانونه رغونو ته رسېدنه دوام لري او هغه ګرځنده کراچۍ او پلورونکي چې، ښاري نظم یې ګډوډ کړی وو، پاک او لیږدول شوي دي