د ښاریانو د روغتیا خوندیتوب په موخه، د اوومې ناحیې د مسئولینو له لوري د یادې ناحیې له بازارونو څخه(۶۰۰) کیلو ګرامه خوراکي او غیر خوراکي توکي چې دمصرف نېټه یې پای ته رسېدلې وه او (۱۴۰) لوډسپیکر چې، د غږیزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولېږدول شول. د اوومې ناحیې رئیس مولوي عبدالغفور په دې اړه وویل: د ښاریانو د روغتیا خوندیتوب په موخه، د حفظ الصحې له اړخه د اوومې ناحیې په بازارونو کې د اصنافو فعالیتونه وڅارل شول او له سرغړونکو سره به قانوني چلند وشي