د پنځمې او دیارلسمې ناحیې ترمنځ د کمپنۍ- برچي نښلوونکي سړک په اوږدو کې د یوه پله د جوړولو چارې ژمي ته د تابیا په نیولو سره روانې دي. د کابل ښاروالۍ د کار ساتنې او مراقبت ریاست د پلونو او سړکونو آمر انجنیر محمد داود ځواب وویل: د پله د کانکرېټ کولو لپاره د ژمنیو تدابیرو په نیولو سره، (د یخ ضد موادو څخه په کارولو او په پلاستیک د کار ځای د پوښلو او له بخارۍ څخه په ګټه اخیستلو په معیاري توګه د دې پله چارې پر مخ ځي) د نوموړي په وینا د کابل ښاروالۍ د ښاري زیربنا ریاست د ډیزاین له مخې دا پُل ۲۰ متره اوږدوالی او ۲۰ متره سو لري چې، په دوه لینونو کې به په معیاري توګه جوړ شي. له قلعه ناظر څخه تر نقاش حمام پورې د کمپنۍ – برچي سړک په اوږدو کې د دې پله په جوړېدو سره به یاد سړک د ترافیکو پر مخ پرانیستل شي