د کابل ښاروالۍ د څارنو په لړ کې د کابل ښار په کچه سلګونه د مرکز ګرمۍ سیسټمونه د لوګي د تصفیې په معیاري فلټرونو سمبال او خپل فعالیتونه یې اصلاح کړي دي. د کابل هوا له ککړتیا څخه د مخنیوي په موخه، داستوګنې په لوړ پوړیزو او سوداګریزو ودانیو، حمامونو او روغتونونو کې د مرکز ګرمۍ سیسټم لپاره د لوګي د تصفیې فلټر له څرنګوالي د کابل ښاروالۍ څارنې ترسره شوې دي او له دوی ژمنه اخیستل شوې ده څو هرڅه ژر د لوګي د تصفیې فلټر نصب او فعال کړي. هیله کیږي چې، ټول ښاریان به د تودخې په موخه له معیاري سون توکو کار واخلي او د کابل هوا له ککړتیا څخه په مخنیوي کې به خپل فردي او ټولنیز مسئولیتونه ترسره کړي