د بشپړ ښاري نظم رامنځته کېدو په موخه، د اتمې ناحیې په اړوند سیمو کې د یادې ناحیې د مسئولینو له لوري د حمایوي او تقویتي پلانونو په پلي کولو سره د ښاري نظم رامنځته کولو هڅې روانې دي. د اتمې ناحیې رئیس مفتي روح الله عثماني په دې اړه وویل: د یادې ناحیې په بېلابېلو سیمو کې د زرغونو سیمو د غصب، په پلو لارو او سړکونو کې ناقانونه خنډونو او تاسیساتو د پاکولو په برخه کې جدي څارنې روانې دي او دغه کار به د بشپړ ښاري نظم تر رامنځته کېدو پورې دوام ولري. نوموړي زیاته کړه: د څارنو په لړ کې د هټیو مخې ته خپلسرو رغونو، د ګرځنده پلورونکو فعالیتونو او نورو ښاري بې نظمیو ته هم رسېدنه کیږي