د پنځلسمې ناحیې مسئولینو د یادې ناحیې اړوند د یوه شخصي روغتون له لوري د طبي کثافاتو له بې ځایه اچولو څخه مخنیوی وکړ. د یادې ناحیې د تنظیف مدیر جان آغا جوینده په دې اړه وویل: د دې روغتون له استازو څخه ژمنه واخیستل شوه چې، د بیا ځلي سرغړونې په صورت کې به له جدي قانوني چلند سره مخ شي. د طبي کثافاتو د ښه مدیریت او د هغو د زیان د مخنیوي په موخه، مخکې له دې د روغتونونو مدیرانو ته سپارښتنه شوې وه چې، د خپلو طبي کثافاتو د جلا کولو، راټولولو، لیږد او سوځولو په برخه کې جدي پاملرنه وکړي، لارښوونې تعقیب او د چاپېریال له ککړتیا څخه ډډه وکړي