د اتمې ناحیې اړوند د رحمن مېنې د (E) برخې سړک د جوړولو چارې چې، په روان کال کې د کابل ښاروالۍ له لوري پیل شوې دې، تر اوسه (۶۱) سلنه مخته تللې دي. د کابل ښاروالۍ د برنامو او پرژو د تنظیم ریاست د مسئولینو په وینا؛ د دغه سړک د جوړولو چارې د ژمنيو تدابیرو په نیولو سره روانې دي. اوس مهال له اتمې امنیتي حوزې څخه د کارته نو سړک په لور د یاد سړک د پاتې بنسټیزې برخې د جوړولو کار روان دی چې، د هوا د ښه والي په صورت به یې قیر چارې هم ترسره او د ترافیکو پر مخ به پرانیستل شي. یاد سړک په ټولیزه توګه (۳۳۰۰) متره اوږدوالی لري چې، له ستانکزي بلاکونو څخه د اتمې حوزې تر څلورلارې پورې یې قیر چارې څه موده وړاندې ترسره شوې دي. ورته مهال د سړک د پلو لارو، ګلدانونو او نورو جزئیاتو په جوړولو هم کار روان دی