د ځمکې سر اوبو د تنظیم، مدیریت او د عامه تاسیساتو له ژر ویجاړېدو څخه د مخنیوي په موخه، د کابل ښاروالۍ د تنظیف ریاست له لوري په دهن باغ، قوای مرکز، لب جر او ورڅېرمه سیمو کې د لښتیو او کانالونو د پاکولو چارې روانې دي. د تنظیف ریاست د کانالونو آمر انجنیر نوید احمد شیرزاد په دې اړه وویل: دغه کانالونه او لښتي د ښاریانو له لوري د کثافاتو اچولو له امله بند شوي وو چې، اوس بیا ځلي په بنسټیزه توګه پاکیږي څو سړکونو ته د اوبو له را ختلو مخنیوی وشي. له ښاریانو غوښتنه کیږي چې، د لښتیو او کانالونو پاک ساتلو ته پام وکړي، ځکه د یو شمېر ښاریانو بې مسؤلیتي د دې لامل کیږي چې د کابل ښاروالۍ تنظیفي کارکوونکي ډېر زیار وګالي