د ځمکې سر اوبو د تنظیم او مدیریت په موخه، د کابل ښاروالۍ د تنظیف ریاست د زیارکښه کارکوونکو له لوري د نولسمې ناحیې په بېلابېلو سیمو کې د بند لښتیو د پاکولو چارې روانې دي. د تنظیف ریاست د کانالونو آمر انجنیر نوید احمد شیرزاد په دې اړه وویل: د څرخي پله، تنګي غارو او ورڅېرمه سیمو لښتي چې، له بده مرغه د یو شمېر ښاریانو له لوري د کثافاتو اچولو له امله بند شوي وو په بنسټیزه توګه پاکیږي ترڅو د اورښتونو په مهال سړکونو ته د اوبو له راختلو مخنیوی وشي. نوموړي هیله وښوده چې، ښاریان به د ښار پاک ساتلو ته پام وکړي، ځکه د دوی بې غوري د دې لال ګرځي چې، د تنظیف ریاست کارکوونکي ډېر زیار وګالي