د پنځمې ناحیې اړوند په کوټه سنګي ( میرویس میدان) سیمه کې د بېلابېلو اصنافو او هټیوالو له حفظ الصحې څارنه وشوه او یو شمېر سرغړونکي تادیب شول. د پنځمې ناحیې د مسئولینو په وینا؛ د حفظ الصحې له اړخه د قصابانو، نانوایانو، سلمانیو، د خوراکي توکو پلورونځیو او ګرځنده پلورونکو فعالیتونه وڅارل شول. په یاده سیمه کې اوس مهال ښاري نظم رامنځته شوی او فعالیت کوونکو ته سپارښتنه شوې ده چې، د ښاري اصولو او مقرراتو په چوکاټ کې خپل فعالیتونه ترسره کړي او د ښاري بې نظمۍ او د چاپېریال د ککړتیا لامل نشي