د پنځلسمې ناحیې اړوند، ۲۳م ګذر د ګلوبل ښارګوټي په سیمه کې له تيږو څخه د سړک جوړولو چارې چې، څه موده وړاندې پیل شوې وې، تر اوسه (۷۰) سلنه پرمخ تللي دي. د کابل ښاروالۍ د برنامو او پروژو د تنظیم ریاست د معلوماتو له مخې، دغه سړک (۳۶۴) متره اوږدوالی او (۱۰) متره سور لري، له تيږو څخه جوړ شوي سړکونه د لوړ مقاومت درلودلو سربېره، د ځمکې لاندې اوبو په ذېرمه کولوکې هم مرسته کوي. د سړک جوړولو دغه پروژه چې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته طرحه شوې او د ښاریانو د ستونزو د حل او د کاري زمینې د رامنځته کولو په موخه، د پلي کېدو په حال کې ده، هڅه کېږي چې ژر تر ژره بشپړه او ګټې اخیستنې ته وسپارل شي