د سړکونو له ګنګل کېدو څخه او د ترافیکي جریان له بندېدو څخه د مخنیوي په موخه د پغمان سیمې اړوند له چند بايي بازار څخه د پغمان تر عمومي باغ پورې سړکونه له واورې پاک او مالګه پرې وشیندل شوه. د څوارلسمې ناحیې رئیس مولوي غلام محبوب عرفاني وویل چې، د ترافیکي جریان له بندېدو څخه د مخنیوي په موخه د ژمي لپاره لازم چمتوالی لري او د یادې ناحیې په اړوند سیمو کې یې په سړکونو مالګه وشیندله ترڅو په دې توګه د عامه تاسیساتو ساتنه هم وشي. ورته مهال د زرغونتیا ریاست کارکوونکو د پغمان په سیمه کې له ونو هم واوروه وڅنډله. د کابل ښاروالۍ کارکوونکي د ښاریانو د سوکالۍ په موخه له خپلو شته امکاناتو څخه په ګټه اخیستلو له هېڅ راز هڅو درېغ نه کوي