له تثبیت او د ریاست الوزرا محترم مقام له منظورۍ وروسته د یو لړ مراسمو په ترڅ کې د کابل ښاروالۍ د کار ساتنې او مراقبت ریاست یو شمېر کارکوونکو ته د ترفیع کارتونه د ودانیزو چاور د مرستیال انجنیر عامر زمرک یاسر له لوري ووېشل شول. په دې مراسمو کې د ودانیزو چارو مرستیال کارکوونکو ته د ترفیع له امله مبارکي وویله او دوی ته یې د لوی خدای ج له دربار څخه د لا ډېرو بریالیتونو غوښتنه وکړه. ښاغلي یاسر وویل چې، دې کارکوونکو ته تر ټاکل شوي قانوني وخت او اروزنې وروسته چې، د ترفیع وړ ګڼل کېدل، کارتونه ووېشل شول. د یاد ریاست کارکوونکو د لا ډېرو خدمتونو کولو ژمنه وکړه او ویې ویل چې، د ښاري زیربناوو جوړولو، د لویو پروژو پلي کولو او نورو خدمتونو وړاندې کولو په برخه کې به تر پخوا ډېره هڅه کوي