د کابل ښاروالۍ د کارکوونکو او یو شمېر ښاریانو له لوري د اوبو له کمښت څخه د مخنیوي په موخه، په جذب وړ سیمو لکه؛ ګلدانونو او زرغونو سیمو کې د واورې زیرمه کول دوام لري. کابل ښاروالۍ له وړاندې ښاریانو ته پوهاوی ورکړی وو چې، که چېرته د خپل کور په انګړ کې د یوه متر په قطر او د (۶) مترو په ژوروالي سره یوه څاه وکیندي او بیا هغه ته د واورې او باران اوبه ور خوشې کړي، د ځمکې لاندې اوبو سرچینې پیاوړې او د اوبو کچه لوړیږي. هیله ده چې، د واورې او باران اوبو د زیرمه کولو په برخه کې فرصت له لاسه ورنه کړو او یو بل ته په لاس ورکولو سره، د اوبو له کمښت څخه د خپل راتلونکي نسل د خلاصون لپاره، خپل ملي او دیني مسئولیت ادا کړو