له پاکستان څخه هېواد ته د بېرته را ستانه شویو هېوادوالو لپاره په تورخم سیمه کې د ( عمري پنډغالي) د احاطې جوړولو چارې بشپړې او د کابل ښاروالۍ د ښاري خدمتونو او چاپېریال ساتنې د مرستیال مولوي محمد خالد سجستاني له لوري په داسې حال کې چې، د یو شمېر ادارو رئیسانو او مسئولینو یې ملتیا کوله ګټې اخیستنې ته وسپارل شو. د کابل ښاروالۍد ښاري خدمتونو او چاپېریال ساتنې مرستیال په دې اړه وویل: دا پنډغالی په (۲۳۸.۶۳) جریبه ځمکه کې د کابل ښاروالۍ د انجنیرانو له لوري ډیزاین شوی او د بېلابېلو ادارو، ملي سوداګرو او بهرنیو موسسو په مرسته چې، په هغه کې د ژوند ټولې اړتیاوې په پام کې نیول شوې دي له پاکستان څخه د بېرته راستانه شویو هېوادوالو سره د مرستې په موخه جوړ شوی دی. د یاد پنډغالي احاطه د (۵۰۳۲) مترو په اوږدوالي او۳,۲) مترو په لوړوالي سره د کابل ښاروالۍ له لوري د آریانا جوهر شرکت په مرسته له جال او (۲۵۰۳) اوسپنیزو ستنو څخه په ګټه اخیستلو د څه باندې (۱۶) میلیونه افغانو په لګښت جوړ شوی چې، قراردادي شرکت هم د پروژې د پلي کېدو په مالي لګښت کې خپل دیني او ملي مسئولیت ادا کړی دی