د ښاریانو د روغتیا د خوندي کولو، د نرخنامې د تطبیق، د نانوایانو د چاپېریال پاکوالي او د خوراکي او غیر خوراکي توکو د مصرف د نېټې څرنګوالي په موخه، د څلورمې ناحیې له بازارونو څخه څارنه و شوه او سرغړونکي تادیب شول. د څلورمې ناحیې رئیس مولوي عبدالرحمن رباني په دې اړه وویل: سرغړونکو ته یې لازمې سپارښتنې کړي او د کابل ښاروالۍ له ټاکل شوې نرخنامې او نورو مقرراتو څخه د بیا ځلي سرغړونې په صورت کې به له دوی سره قانوني چلند وشي. دغه راز هټیوالو ته سپارښتنه شوې، ترڅو انصاف په پام کې ونیسي او خپل توکي د کابل ښاروالۍ د نرخنامې مطابق وپلوري. همدا شان نانوایانو ته خبرداری ورکړل شوی چې، د خپل فعالیت په سیمه کې د چاپېریال پاکوالي ته پام وکړي او د وچې ډوډۍ خرڅلاو باید د ټاکل شوي وزن او ښه کیفیت له مخې وي