د کابل ښاروالۍ مسؤلینو د ښاري نظم د ښه والي او ښاریانو ته د تګ راتګ په برخه کې د آسانتیاوو رامنځته کولو په موخه، د لسمې ناحیې اړوند د قلعه فتح الله سړک په اوږدو کې هټیوالو او ګرځنده پلورونکو ته پوهاوی ورکړ. په یاده سیمه کې فعالیت کوونکو ته سپارښتنه وشوه چې، په سړکونو او پلولارو کې خنډونه جوړ نکړي او د خپل فعالیت په سیمه کې ښاري اصولو او مقرراتو ته پام وکړي. دغه راز هټیوالو ته خبر داری ورکړل شو چې، خپل تو کي د کابل ښاروالۍ د نرخنامې مطابق و پلوري او د بې کیفیته توکو له پلور څخه دې په کلکه ډډه وکړي. همدا شان ګرځنده پلورونکو ته هم سپارښتنه وشوه چې، د ښاري بې نظمۍ او د چاپېریال د ککړتیا لامل نشي، او د سرغړونې په صورت کې به له قانوني چلند سره مخ شي