د کابل ښاروالۍ د کار، ساتنې او مراقبت ریاست د سړکونو په بنسټیزو چارو کې د قلعه حیدر سیمې د جغلو له کان څخه ګټه اخلي. د یاد ریاست د مسئولینو په وینا؛ دغه کان د کابل په لوېدیځ کې موقعیت لري چې، هره ورځ شاوخوا (۸۰۰) متر مکعب سب بیس او (۲۰۰) متر مکعب بولدر مواد تولیدوي. له دغو موادو څخه د کار، ساتنې او مراقبت ریاست اړوند سړک جوړونې په پروژو کې ګټه اخیستل کیږي. اوس مهال هم د کابل شمال- لوېدیځ نښلوونکي سړک په لویه پروژه کې چې، ذاکرین ښارګوټی د قرغې له سړک سره نښلوي د یاد کان له موادو څخه ګټه اخیستل کیږي او د لیږدولو چارې یې روانې دي. سب بیس مواد له ۱ څخه تر ۲۵ ملي مترو او بولدر مواد له ۲۵ څخه تر ۶۵ ملي مترو پورې اندازه لري چې، د سړک په مهمو برخو کې کارول کیږي