د افغانستان د خبریالانو د یووالي ټولنې له خوا، کابل ښاروال مولوي عبدالرشید د غوره ښاري مدیریت له امله د ستاینلیک په ورکولو سره وستایل شو. د یادې ټولنې رئیس محمد ابراهیم امرخیل په خپلو خبرو کې د برابرې پراختیا، با ثباته ښاري نظم، د قانون د حاکمیت او نورو ښاري خدمتونو وړاندې کولو په برخه کې د کابل ښاروال له بې درېغه او نه ستړې کېدونکو هڅو مننه وکړه او د دې لویې خدماتي ادارې کارکوونکو ته د لا ډېرو بریالیتونو غوښتونکی شو. ورته مهال کابل ښاروال ښاریانو ته د خدمت کولو په برخه کې خپله ژمنه بیا تازه کړه او د افغانستان د خبریالانو د یووالي ټولنې مسئولینو ته یې د کابل ښاروالۍ د پلانونو په اړه معلومات ورکړل او د ښار او ټولنې په آبادۍ کې یې د رسنیو رول مثبت او ګټور وباله. نوموړي د کابل ښاروالۍ د فعالیتونو او لاسته راوړنو د انعکاس او د افغانستان د خبریالانو د ټولنې له پخوانیو مرستو څخه مننه وکړه او د کابل ښاروالۍ او رسنیو تر منځ یې د اړیکو پر پیاوړتیا او ښې همغږۍ ټینګار وکړ