د کابل ښاروالۍ له لوري د لسمې ناحیې اړوند د هوایي ډګر له واټ څخه تر هوايي بلاکونو پورې د ۹۰۱ مترو په اوږدوالي او د ۱۹.۳ مترو په سور سره د سړک جوړولو چارې روانې دي. د کابل ښاروالۍ دبرنامو او پروژو د تنظیم ریاست د معلوماتو پر بنسټ؛ د دغې پروژې چارې تر دې دمه (۷۰) سلنه مخته تللې او قیر کولو ته چمتو شوی دی. د یادونې وړ ده چې، د لښتي، پلې لارې او زرغونې سیمې جوړول هم د یاد سړک په سور کې شامل دي. د ډیزاین له مخې د دغه سړک په اوږدو کې د زرغونو سیمو د خړوب په موخه، د اوبو دوه زیرمې هم په پام کې نیول شوې دي