کابل ښاروالۍ پلو لارویانو ته د آسانتیاوو رامنځته کولو په موخه، د ښار په بېلابېلو برخو کې د پلو لارو جوړولو ته پام کړی او په ۱۴۰۱ - ۱۴۰۲ کلونو کې یې د تيږو او موزائیک په کارولو سره څه باندې سل کیلو متره پلې لارې جوړې کړې، او اوس مهال هم د کمپنۍ- کوټه سنګي، د رحمن مېنې د E برخې، دارالامان- افشار، هوايي بلاکونو او یو شمېر نورو سړکونو د پلو لارو جوړولو چارې روانې دي چې، ډېر ژر به بشپړې شي. دغه راز د روان کال په بهیر کې د امنیت پروژې، د خوشحال خان مېنې د (ب) او ( ج) برخو ترمنځ، له وزیر محمد اکبرخان څخه تر قلعه موسی( بي بي مهرو) پورې د سړکونو پلې لارې جوړې او ګټې اخیستنې ته سپارل شوې دي. له پلو لارو د ګټې اخیستنې کلتور ډېر مهم دی؛ هیله ده چې ښاریان او اصناف په پلو لارو کې د خنډونو له رامنځته کولو، د کثافاتو او ودانیز توکو له اچولو څخه په کلکه ډډه وکړي