د کابل ښاروالۍ په وړاندیز او د ریاست الوزرا محترم مقام د حکم پر بنسټ، ښاغلی مولوي احمدشاه د پنځمې ناحیې د مرستیال په توګه وټاکل شو او د کابل ښاروالۍ مقام د دفتر د رئیس حافظ عبدالقدیر له لوري همکارانو ته ور وپېژندل شو. د کابل ښاروالۍ مقام د دفتر رئیس د چارو د پر وخت او غوره ترسره کېدو په برخه کې د کابل ښاروالۍ د مشرتابه پیغام وړاندې کړ او ویې ویل: په اداره کې بدلون او تغیر یو اصل دی چې، همدې اصل ته په کتو مولوي احمدشاه چې، یو ژمن، رښتینی او د کاري تجربې لرونکی شخص دی د پنځمې ناحیې د مرستیال په توګه غوره شو. د نوموړي په وینا؛ د کابل ښاروالۍ مشرتابه هیله لري چې، نوموړی به خپله دنده او مسئولیت په پوره ایماندارۍ او رښتینولۍ ترسره او د پنځمې ناحیې د اوسېدونکو رضایت به ترلاسه کړي