د زرغونو او تفریحي سیمو د پراختیا په موخه، د پنځلسمې ناحیې اړوند د خیرخانې مېنې په لب جر سیمه کې د (۹۰۰) متر مربع په مساحت سره د یوې زرغونې سیمې د جوړولو چارې پیل شوې. د کابل ښاروالۍ د مسئولینو په وینا؛ دغه سیمه مخکې د کثافاتو په غونډ ځای بدله شوې وه چې، له پاکولو وروسته یې د زرغونتیا په اړه اقدام وشو. اوس مهال د کابل ښاروالۍ د تنظیف او زرغونتیا ریاستونو کارکوونکي له سیمې د کثافاتو او کرنیزې خاورې په لیږدولو بوخت دي ترڅو، په یوه ښکلې سیمه بدله شي. د ډیزاین له مخې په دغه زرغونه سیمه کې د احاطې دېوال، پلې لارې جوړول او د بېلابېلو نیالګیو کېنول هم په پام کې نیول شوي دي