د دیارلسمې ناحیې په اووم ګذر کې د دوازده امام ښارګوټي د کوڅو جوړولو چارې بشپړې او د دیارلسمې ناحیې د رئیس مولوي عبدالصمد عابد او د کابل ښاروالۍ د برنامو او پروژو د تنظیم ریاست د استازي انجنیر ذبیح الله رحیمي له لوري په داسې حال کې چې، د سیمې یوشمېر اوسېدونکو او مشرانو یې ملتیا کوله ګټې اخیستنې ته وسپارل شوې. د دیارلسمې ناحیې رئیس وویل: د دغو کوڅو په جوړېدو سره د سیمې د اوسېدونکو ستونزې حل شوې دي او ګڼ شمېر ټولنیزو او ښاري آسانتیاوو ته یې لاس رسی پیدا کړی دی. نوموړي ډاډ ورکړ چې، ښاریان به د دغو نویو جوړو شویو کوڅو ساتنې ته پام کوي. ورته مهال د برنامو او پروژو د تنظیم ریاست استازي په دې اړه وویل: په راتلونکي کې به د یادې ناحیې په نورو ګذرونو کې ورته نورې پروژې هم پلې شي. د نوموړي په وینا، له ښاري آسانتیاوو څخه محرومو سیمو ته د پروژو پلان د جوړېدو په حال کې دی او اړتیا ده چې، ښاریان یې په پلي کېدو کې له کابل ښاروالۍ سره مرسته وکړي. دغه راز نوموړي زیاته کړه: د یادې ناحیې په اووم ګذر کې دلښتیو په ګډون کوڅې په ټولیزه توګه (۹۱۳) متره اوږدوالی او (۴) متره سور لري چې، د (۷،۶۵) میلیونه افغانیو په لګښت دملګرو ملتونو د پروژوي خدمتونو ادارې په مرسته، په (۹۰) کاري ورځو کې یې چارې بشپړې شوې دي