دکابل ښاروالۍ دبشري سرچينو ریاست، د کابل ښاروالۍ دمرکزي ریاستونو او د ناحیو مسؤلینو ته، د کار په بهیر کې شکایتونو ته د رسېدنې او د ستونزو د حل څرنګوالي په اړه یو ورځنی ورکشاپ تر سره کړ. په دې ورکشاپ کې ګډونوالو ته د کابل ښاروالۍ د کارکوونکو د ستونزو د مدیریت اړوند، د دندو په ترسره کولو کې د ناسم پوهاوي له امله د تېروتنو د کمښت، د رامنځته شویو اختلافاتو د حل، د ادارې د روڼتیا د زیاتوالي او حساب ورکونې، د فساد د کمولو او د چوپړتیاوو د ښه والي په موخه، معلوماتي کڅوړې وړاندې شوې. د دغه ورکشاپ موخه، د کار د امنیت په رامنځته کولو کې د ستونزو د مدیریت، د یوې اغیزمنې ادارې رامنځته کول او خلکو ته د لا ښو خدمتونو وړاندې کول بلل شوي، ترڅو د دغې سترې خدماتي ادارې د بیلابیلو څانګو کارکوونکي خپلو ښاریانو ته پر وخت او معیاري خدمتونو وړاندې کولو ته چمتو شي