د زرغونو سیمو د پراختيا او د تفریحي ځايونو د رامنځته کولو په موخه، د ٢٢مې ناحيې د دويم ګذر اړوند د بګراميو په سيمه کې د یوه پارک د جوړولو چارې چې، څه موده وړاندې د کابل ښاروالۍ له خوا اود ملګرو ملتونو د پروژوي خدمتونو د دفتر په مرسته پيل شوې وې، روانې دي. دغه پارک په ټولیزه توګه (۱۶۰۰۰) متره مربع مساحت لري، چې (۱۳۵۰۰) متره مربع یې د چمن کرلو او پاتې نوره یې د پلولارو، ګلدانونو او د اوږدو څوکیو د جوړولو لپاره ځانګړې شوې ده. څه موده وړاندې د دغه پارک د احاطې دیوال د جوړولو چارې بشپړې شوې او اوس د اوبو لګولو د سیستم، چمن کرلو او د اوږدو څوکیو د جوړولو چارې روانې دي. د یادولو وړ ده چې، په نیږدې ورځو کې به په دغه پارک کې د زرګونو نیالګیو کېنولو سر بېره، مرسل ګلان او نور زینتي بوټي هم کېنول شي