د کابل ښاروالۍ د تنظیف رياست د کارکوونکو له خوا، د دیارلسمې ناحيې اړوند د برچي له قلعه نو سيمې څخه د بندو ويالو او کانالونو د پاکولو چارې پيل شوې. د تنظیف ریاست د کانالونو د آمر انجنیر احمد نوید شیرزاد په وینا؛ د دې ناحیې په بېلابېلو سیمو کې د بندو کانالونو او لښتیو د پاکولو چارې چې، له بده مرغه د یو شمېر ښاریانو له خوا د کثافاتو په اچولو سره بند شوي وو، د موسمي بارانونو پرمهال د سیلابونو د مخنیوي په موخه، ترلاس لاندې ونیول شول. نوموړي له ښاریانو څخه غوښتنه وکړه چې، د کانالونو او لښتیو پاک ساتلو ته پام وکړي، ځکه د کابل ښاروالۍ ډیری مالي او بشري چینې تل د نښلوونکو کانالونو او لښتیو په پاکولو کې مصرف شوي دي