د درېیمې ناحیې اړوند په کوټه سنګي ( میرویس میدان) او د کارته چهار په بازار کې د پخوا په پرتله لا ښه ښاري نظم رامنځته شوی چې، پر بنسټ یې ښاریانو ګڼ شمېر آسانتیاوو ته لاس رسی موندلی دی. د درېیمې ناحیې د مسئولانو په وینا؛ لاسي توکي پلورنکي او ګرځنده کراچۍ چې، د ګڼه ګوڼې سبب ګرځېدلې وې، بدیلو سیمو ته لېږدول شوې دي. په همدې توګه د قصابیو، نانوایانو او د خوراکي توکو له پلورنځیو د حفظ الصحې د پام کې نیولو له اړخه څارنې شوي دي. فعالیت کوونکو ته سپارښتنه شوې ده چې، خپل توکي د کابل ښاروالۍ له نرخنامې سره برابر وپلوري او د تېر وخته او بې کیفیته توکو له پلورلو ډډه وکړي. ښاري ژوند په یو لړ اصولو او قوانینو پورې تړلی دی چې، د مسئولانو له لوري به په دې برخه ارزښتناکه کړنې ترسره شي