د دیارلسمې ناحیې د مسئولینو او اوسېدونکو له لوري په ګډه د یادې ناحیې له پلو لارو او سړکونو څخه واوره راټوله او په ګلدانونو، زرغونو سیمو او نورو جذب وړ سیمو کې زیرمه کړل شوه. د دیارلسمې ناحیې رئیس مولوي عبدالصمد په دې اړه وویل: دا کار د ښاري تاسیساتو له ویجاړېدو څخه د مخنیوي او د ځمکې لاندې اوبو د پیاوړتیا په موخه ترسره شو. نوموړي زیاته کړه چې، وړاندې ښاریانو ته ویل شوي وو چې، واوره او د باران اوبه په جذب وړ سیمو کې زیرمه کړي. په همدې موخه له ټولو ښاریانو څخه غوښتنه کیږي ترڅو د خپلو بامونو واوره په سړکونو او پلو لارو کې ونه غورځوي، بلکې له وچکالۍ او د اوبو له کمښت څخه د راتلونکي نسل د ژغورلو په موخه، هغه په جذب وړ سیمو کې زیرمه کړي