د عامه تأسیساتو له ژر ویجاړېدو او د لارو بندېدو څخه د مخنیوي په موخه د کابل ښاروالۍ اړوند د تنظیف ریاست کارکوونکو د وروستیو اورښتونو له امله له لښتیو څخه سړکونو ته را پورته شوې اوبه راټولې او د ټانکرونو په وسیله یې ولیږدولې، ترڅو د ښاریانو تګ راتګ په عادي توګه ترسره شي. په همدې توګه کابل ښاروالۍ هڅه کړې ده ترڅو له خپلو شته امکاناتو څخه په ګټه اخیستلو، رامنځته شوې ستونزې حل کړي، د ښار له عمومي سړکونو څخه یې واوره راټوله او بېرته یې په جذب وړ سیمو کې زېرمه کړه او په ځینو سیمو کې یې د سړکونو له کنګل کېدو څخه د مخنیوي په موخه، په سړکونو شګه هم وشېندل شوه