د پنځمې ناحیې اړوند په یوه سیمه کې د څارویو ذبح کولو د یوه ناقانونه ځای فعالیت چې، د استوګنې د کورونو په منځ کې یې موقعیت درلود او ځایي اوسیدونکو ته یې چاپېریالي ستونزې رامنځته کړې وې، بند کړای شو. د پنځمې ناحیې د مسئولینو په وینا؛ د ځایي اوسیدونکو له لوري د ترلاسه شویو شکایتونو پر بنسټ، په دې ځای کې د څارویو ذبح کولو سربېره، پسونه او غوايي هم ساتل کېدل چې، په سیمه کې یې بد بويي رامنځته کړې وه. د یادې ناحیې ټولو قصابیو ته خبر داری ورکړل شو چې، د خپل فعالیت په سیمه کې حفظ الصحې ته پام وکړي؛ له دې پرته به له قانوني چلند سره مخ شي