د سړکونو له کنګل کېدو څخه د مخنیوي په موخه، د څوارلسمې ناحیې اړوند د پغمان له سړکونو څخه د واورې پاکولو چارې روانې دي. د څوارلسمې ناحیې رئیس مولوي غلام محبوب عرفاني په دې اړه وویل: د وروستۍ واورې ورېدنې له امله له چندل بایي څخه د پغمان تر باغ عمومي پورې سړک او نورو سیمو څخه واوره له دریو ورځو او شپو را پدېخوا د کابل ښاروالۍ د کارکوونکو له لوري پاکه شوه، ترڅو د ترافیکي بهیر له بندېدو څخه مخنیوی وشي. په همدې توګه په یادو سیمو کې په سړکونو شګه هم وشیندل شوه. ښاغلي عرفاني زیاته کړه: د کابل ښاروالۍ د زرغونتیا ریاست د کارکوونکو له لوري د پغمان سیمې له ونو څخه واوره هم پاکه شوه. د کابل ښاروالۍ مشرتابه او کارکوونکي، ښاریانو ته د آسانتیاوو رامنځته کولو په موخه، له خپلو شته امکاناتو څخه په ګټه اخیستلو له هېڅ رازهلو ځلو ډډه نکوي