د اتمې ناحیې د مسئولینو دهڅو په پایله کې د یادې ناحیې اړوند د کارته نو د درېیم سړک په سیمه کې (۶۵۰) متر مربع غصب شوې زرغونه سیمه بېرته راوګرځول شوه. د یادې ناحیې د رئیس مفتي روح الله عثماني په وینا؛ په دې سیمه د غاصبانو ناقانونه تاسیسات پاک او ویجاړ شوي او په راتلونکو ورځو کې به یې د زرغونتیا په اړه اقدام وشي. نوموړي زیاته کړه چې، له دې سیمې په تېرو کلونو کې یو شمېر فرصت غوښتونکو د کټارو په نصبولو ناقانونه ګټه اخیسته او په پلو لارو او زرغونه سیمه کې یې هټۍ جوړې کړې وې چې، رسېدنه ورته وشوه