د ښاري ستونزو د پېژندنې او دهغو د حل په موخه، کابل ښاروال مولوي عبدالرشید د دیارلسمې ناحیې د اوسېدونکو له استازو سره ولیدل. په دې لیدنه کې د يادې ناحیې اوسېدونکو په روان کال کې د کابل ښاروالۍ د مشرتابه د کړنو د ستاينې ترڅنګ، خپلې ستونزې او وړانديزونه له کابل ښاروال سره شريک کړل. وروسته کابل ښاروال خبرې وکړې او ویې ویل: د کابل ښاریانو غوښتنو او هیلو ته رسیدنه، زموږ د ادارې لومړیتوب دی او د دوی د پرځای غوښتنو د پوره کولو لپاره به له خپلو ټولو امکاناتو څخه ګټه پورته کوو. دغه راز په دې لیدنه کې د دیارلسمې ناحیې په هغو سیمو کې چې، له ښاري آسانتیاوو څخه بې برخې دي، د ښاري خدمتونو لکه، د سړک جوړونې، پاکوالي، زرغونتیا او ورته نورو چوپړتیاوو د وړاندې کولو په اړه هم خبرې اترې وشوې. په پای کې کابل ښاروال د یادې ناحیې د مشرانو او مخورو له خوا د نوموړي د ارزښتناکو او ګټورو خدمتونو د ترسره کولو له امله د ستاینلیک په ورکولو او د پګړۍ په سر کولو سره وستايل شو