د پنځلسمې ناحیې اړوند د شهید هنګرها څلورلارې او میرزا عبدالقادر( قصبې سړک) ترمنځ د نوي جوړېدونکي سړک پر وړاندې د شته خنډونو او استملاکي کورونو د پاکولو، خاورې لیږدولو او کیندنو چارې روانې دي. د کابل ښاروالۍ د پروژو او برنامو د تنظیم ریاست د مسئولانو په وینا؛ د استملاکي پړاوونو تر بشپړېدو وروسته به د کابل ښار د ماسټر پلان له مخې د (۱۸۹۰) مترو په اوږدوالي او (۴۵) مترو په سور سره د یاد سړک د جوړولو چارې پیل شي. د دې سړک په اوږدو کې (۴۰۰) ملکیتونه تر استملاک لاندې دي چې، د استملاک قانون له مخې به یې مالکانو ته بدیل حقونه ورکړل شي. د یادې پروژې په بشپړېدو سره به د اړوند سیمو اوسېدونکو ته ګڼ شمېر ټولنیزې او ښاري آسانتیاوې رامنځته او د سیمو اقتصادي ودې ته به زمینه برابره شي