د اتمې ناحیې د مسئولانو، دیني عالمانو، ګذر وکیلانو او ځوانانو په ګډون په اتمه ناحیه کې د یو لړ ځانګړو مراسمو په ترڅ کې د نیالګیو کېنولو کمپاین پیل شو. د اتمې ناحیې رئیس مفتي روح الله عثماني د نیالګیو کېنولو په ارزښت خبرې وکړې او ویې ویل: د نیالګیو کېنول زموږ د دین غوښتنه ده چې، د انسانانو په ژوند کې ډیرې ګټې لري. نوموړي زیاته کړه چې، په اتمه ناحیه کې به کې د ونو د خړوبولو او ساتلو په برخه کې د ښاریانو په مرسته ګڼ پلانونه عملي شي او اړتیا ده چې، هر ښاري د کابل ښار د ښکلا او زرغونتیا په موخه نیالګي کېنوي او اوبه ورکړي. په دې مراسمو کې د یادې ناحیې اوسېدونکو ۳۰۰ نیالګي د کېنولو په موخه چمتو کړي وو چې، د دوی له نیک احساس څخه هم د مسئولانو له لوري مننه وشوه