د اوولسمې ناحیې مسئولانو د یادې ناحیې په بازارونو کې د توکو له قیمتونو او کیفیت څخه څارنه وکړه. د یادې ناحیې مرستیال مولوي ذبیح الله په دې اړه وویل: سرغړونکو ته خبرداری ورکړل شو چې، د بیا ځلي سرغړونې په صورت کې به له جدي قانوني چلند سره مخ شي. نوموړي له هټیوالو غوښتنه وکړه چې، د پلورلو پر وخت انصاف په پام کې ونیسي او خپل توکي د کابل ښاروالۍ د نرخنامې مطابق وپلوري. د یادونې وړ ده چې، مخکې ټولو اصنافو او هټیوالو ته د کابل ښاروالۍ د مارکیټونو د تنظیم ریاست له لوري سپارښتنه شوې ده چې، نرخنامه باید د لید وړ ځای کې وځړوي او خپل توکي د هغې مطابق وپلوري