د نرخونو د کنټرول او له احتکار څخه د مخنیوي په موخه د دویمې ناحیې په بازارونو کې د کابل ښاروالۍله نرخنامې سره سم د خوراکي توکو په پلورنځیو کې د توکو پلورلو او د خیاطۍ، قصابیو، نانوایانو او نورو اصنافو له فعالیتونو څارنه وشوه . د دویمې ناحیې د مرستیال مولوي عبدالرحیم محمدي په وینا؛د څارنو په لړ کې سرغړونکو هټیوالو ته سپارښتنه وشوه چې، د بیا ځل سرغړونې په صورت کې به له جدي قانوني چلند سره مخ شي. نوموړي له هټیوالو وغوښتل چې، انصاف په پام کې ونیسي او خپل توکي د کابل ښاروالۍ له نرخنامې سره برابر وپلوري. مخکې ټولو اصنافو ته خبر ورکړل شوی ترڅو، نرخنامه د لیدلو لپاره په سم ځای کې نصب وکړي او د هغه له مخې خپل توکي وپلوري
د دویمې ناحیې په بازارونو کې د لومړنیو توکو له نرخونو څارنه وشوه
28 حوت 1402