د کابل ښاروالۍ دکار، ساتنې او څارنې ریاست له خوا د شهیدهنګرها څلورلارې څخه تر کارته پروان پورې سړک د جدولونو د بیارغونې او نصبولو چارې روانې دي. د سړکونو د بیارغونې د آمر انجنیر شریف الله قادري په وینا، د(۶) کیلومترو په اوږدوالي جدولونو پر ځای به چې د بیارغولو وړ ندي، نوي جدولونه نصب او پاتې نور به یې په معیاري توګه بیا ورغول شي. د سړک جدولونه د ترافیکي بهیر په ویش، دښکلا رامنځته کولو او دسړک منځ ګلدانونو د پراختیا په برخه کې د اهمیت وړ دي. د یاد سړک جدولونه به له بیا روغولو او نصبولو وروسته رنګ شي چې، ورسره جوخت به ښاري ښکلا نوره هم زیاته شي