د دیارلسمې ناحیې په اړوند سیمو کې د ۱۴۰۳ کال د نیالګیو کېنولو کمپاین د زرغونتیا ریاست د رئیس مولوي عبدالوکیل متوکل، د دیارلسمې ناحیې د رئیس مولوي عبدالصمد عابد او د دیني عالمانو، ځوانانو او ګذر وکیلانو شورا د استازو له لوري د سلګونو نیالګیو په کېنولو سره پیل شو. په دې مراسمو کې د زرغونتیا رئیس وویل چې، د نیالګیو کېنولو په موسم کې به د دې ناحیې په بېلابېلو سیمو کې چې، د زرغونتیا وړتیا ولري زرګونه نیالګي کېنول شي. نوموړي غوښتنه وکړه چې، د دیارلسمې ناحیې ښاریان به د یادو نیالګیو په خړوبولو او ساتنه کې مرسته وکړي.ورته مهال د دیارلسمې ناحیې رئیس ژمنه وکړه چې، د ښاریانو په مرسته به د یادې ناحیې په کچه د زرغونو سیمو ساتنې ته پام وکړي.