دلومړۍ ناحيې مسئولينو د دغې ناحیې له بازارونو او مالګدامونو څخه د څارنو په لړ کې، (۳۴۰۰) کيلوګرامه بې کيفيته خوراکي او غیر خوراکي توکي چې، د مصرف نېټه یې هم پای ته رسېدلې وه او دغه راز یوشمېر لودسپیکرونه چې، د غږیزې ککړتیا لامل ګرځېدل راټول او د له منځه وړلو په موخه ټاکلي ځاى ته ولېږدول شول. د یادې ناحیې د مسئولینو په وینا، په دغو موادو کې، غوړي، چاکلیت، مکروني، بیسکویټ، شیدې، ملايي، د نخودو، لوبیا او کبانو کنسرو، مربا، ترشي، او نوشابه باب شامل دي. له ټولو ښاریانو هيله کېږي چې، د خپلو اړتیا وړ توکو پیرودلو پرمهال د هغو نېټه او کیفیت په پام کې ونیسي، دغه راز له پلورونکو څخه هم غوښتنه کیږي چې د بې کیفیته توکو له پلورلو څخه په کلکه ډډه وکړي