د زرغونو سیمو د پراختیا په موخه، د کابل ښاروالۍ د زرغونتیا ریاست له خوا د دریمې ناحیې اړوند د غازي عالي لېسې په انګړ کې سلګونه نیالګي کېنول شول. د کابل ښاروالۍ د ښاري خدمتونو او چاپېریال ساتنې مرستیال مولوي محمد خالد سجستاني په دې اړه وویل، د کابل ښاروالۍ له خوا به یو شمېر نیالګي په عامه ځایونو لکه د جوماتونو په انګړ او د ښوونځیو په شنو ساحو کې هم کېنول شي. ښاغلي سجستاني له کابل ښاریانو غوښتنه وکړه چې، د زرغونو سیمو د ساتنې او اوبو ورکولو په برخه کې له کابل ښاروالۍ سره مرسته وکړي او خپل ټولنیز او دیني مسئولیت ادا کړي