د شپږمې ناحيې مسئولينو د دغې ناحیې له بازارونو څخه (۲۵۰۰) کيلوګرامه بې کيفيته خوراکي او غیر خوراکي توکې چې، دمصرف نېټه یې هم پای ته رسېدلې وه او دغه راز (۳۲۰) لودسپيکرونه چې، د غږیزې ککړتیا لامل ګرځېدل، راټول او د له منځه وړلو په موخه يې ټاکلي ځای ته ولېږدول. د شپږمې ناحیې رئیس مولوي عبدالخالق بدر په دې اړه وويل: په دغو توکو کې مکروني، چاکلېټ، شيدې، قیماق، مربا، اچار، دکبانوکنسرو، بسکټ، پاپړ، شین چای، د مینځلو او سينګار توکي شامل دي. نوموړي له ښاريانو څخه غوښتنه وکړه چې، د پېرلو پر مهال د خوراکي او غیر خوراکي توکو نېټې او کيفيت ته پاملرنه وکړي