له احتکار څخه د مخنیوي او د نرخونو دکنټرول په موخه، دشلمې ناحیې اړوند بازارونو کې د کابل ښاروالۍ د نرخنامې مطابق، د خوراکي توکو پلورنځیو، قصابانو او نورو اصنافو د فعالیت له څرنګوالي څارنه وشوه. دشلمې ناحيې د رئیس مولوي عبدالغفور عمري په وينا، د چهارآسیاب بازار سرغړوونکو هټيوالو ته خبرداری ورکړل شوی، چې له ټاکل شوې نرخنامې څخه د بیا ځلي سرغړونې په صورت کې به له جدي قانوني چلند سره مخ شي. نوموړي له کسبګرو او نورو اصنافو غوښتنه وکړه چې، د پلور پر وخت دې انصاف په پام کې ونیسي او خپل توکي دې د کابل ښاروالۍ د نرخنامې مطابق وپلوري. د یادې ناحيې رئیس وویل: له دې وړاندې ټولو هټیوالو او اصنافو ته خبر ورکړل شوی چې، نرخنامه دې د خپلو پیرودونکو په لید وړ ځای کې نصب کړي او د هغې مطابق دې خپل توکي وپلوري